హై క్రిమినల్‌ అపీల్‌ కోర్టు, ఓ బహ్రెయినీ మహిళకు ఆరు నెలల జైలు శిక్ష విధించింది. ఓ అపార్ట్‌మెంట్‌ బిల్డింగ్‌లోని రిసెప్షనిస్ట్‌పై దాడి కేసులో నిందితురాలి నేర నిరూపణ జరిగింది. పది రోజుల క్రితం మర్చిపోయిన డైరీని తెచ్చుకునే క్రమంలో నిందితురాలు, అక్కడి రిసెప్షనిస్ట్‌పై దురుగా ప్రవర్తించింది. తన డైరీలోని ఫొటోల్ని చూశారంటూ రిసెప్షనిస్ట్‌పై నిందితురాలు దాడి చేసినట్లు విచారణలో తేలింది. ఓ వ్యక్తితో కలిసి అపార్ట్‌మెంట్‌లో పనిచేస్తున్న రిసెప్షనిస్ట్‌లపై నిందితురాలు దాడి చేసినట్లుగా పోలీసులు వివరించారు. దాడి నేపథ్యంలో రిసెప్షనిస్టులు, నిందితురాలిపై పోలీసులకు ఫిర్యాదు చేశారు. అపార్ట్‌మెంట్‌లో తన ఫ్రెండ్స్‌తో కలిసి ఉండేందుకోసం తాను డబ్బు చెల్లించాననీ, డైరీ అక్కడ మర్చిపోయిన తాను బిల్లుని పూర్తిగా సెటిల్‌ చేయలేదని విచారణలో నిందితురాలు అంగీకరించింది. డైరీ కన్పించకపోవడంతోనే తాను వారిపై దాడిచేసినట్లు నిందితురాలు తెలిపింది.