సార్జా అపీల్‌ కోర్ట్‌, అరబ్‌ వ్యక్తికి డిపోర్టేషన్‌ విధించింది. తన బార్యను వాట్సాప్‌ ద్వారా వేధించడమే నిందితుడు చేసిన నేరం. ఈ నేరానికిగాను 5,000 దిర్హామ్‌ల జరీమానాను కూడా విధించడం జరిగింది. 50 ఏళ్ళపైన వయసున్న భార్యాభర్తలు, ఇరవయ్యేళ్ళుగా వైవాహిక జీవితం కొనసాగిస్తున్నారు. ఓ కుటుంబ తగాదా కారణంగా ఇద్దరి మధ్యా వివాదం పెరిగింది. ఈ తగాదా అనంతరం నిందితుడు, తన భార్య ఫోన్‌కి వాట్సాప్‌ ద్వారా అసభ్య సందేశం పంపాడు. వెంటనే బాధితురాలు న్యాయస్థానాన్ని ఆశ్రయించింది. వాట్సాప్‌ ద్వారా తనను తన భర్త అవమానిస్తున్నాడని, అసభ్యకరంగా దూషిస్తున్నాడని ఆరోపించిందామె. సైబర్‌ క్రైమ్‌ చట్టం ప్రకారం నిందితుడ్ని ప్రాసిక్యూట్‌ చేశారు.