రామ్‌గోపాల్‌వర్మ దర్శకత్వంలో గంధపు చెక్కల స్మగ్లర్‌ వీరప్పన్‌ జీవిత చరిత్ర ఆధారంగా రూపుదిద్దుకుంటున్న 'కిల్లింగ్‌ వీరప్పన్‌' ట్రైలర్‌-2 విడుదలైంది. ఈ విషయాన్ని రామ్‌గోపాల్‌వర్మ తన అధికారిక ట్విట్టర్‌ ఖాతా ద్వారా తెలుపుతూ... వీడియో లింక్‌ను అభిమానులతో పంచుకున్నారు. ఇటీవల ఆయన ప్రకటించిన విధంగానే సరిగ్గా వీరప్పన్‌ మృతి చెందిన రోజు, అదే సమయానికి అంటే... అక్టోబర్‌ 18 రాత్రి 10.40 గంటలకు ఈ ట్రైలర్‌ను విడుదల చేశారు. శివరాజ్‌ కుమార్‌, సందీప్‌ భరద్వాజ్‌, యజ్ఞశెట్టి తదితరులు చిత్రంలో ప్రధాన పాత్రలు పోషిస్తున్నారు. ఈ చిత్రం తెలుగు, తమిళం, కన్నడ, హిందీ భాషల్లో ప్రేక్షకుల ముందుకు రానుంది.