50 ఏళ్ళు దాటితే, వలసదారులకు చెక్‌ పెట్టే కాంట్రవర్షియల్‌ బిల్లుపై హౌస్‌ ఆఫ్‌ రిప్రెజెంటేటివ్స్‌లో ఈవారం ఓటింగ్‌ జరగనుంది. ఈ బిల్లు ఇలా హౌస్‌ ఆఫ్‌ రిప్రెజెంటేటివ్స్‌ ముందుకు రావడం ఇదే తొలిసారి కాదు. 2016లో కూడా ఓ సారి చర్చకు వచ్చింది. అయితే సర్వీసెస్‌ కమిటీ ఇచ్చిన రిపోర్ట్‌ని రివ్యూ చేసి, ఆ తర్వాత దీన్ని తిరస్కరించారు. 50 ఏళ్ళ పైబడిన బహ్రెయినేతరులకు చెక్‌ పెట్టడం ద్వారా బహ్రెయినీలకు ఉద్యోగ, ఉపాధి అవకాశాల్ని పెంచాలన్నది దీని ఉద్దేశ్యం. అయితే లేబర్‌ మార్కెట్‌ రెగ్యులేటరీ అథారిటీ, ఈ బిల్లుపై వ్యతిరేకత వ్యక్తం చేసింది. భారీస్థాయిలో లేబర్‌ మార్కెట్‌పై ఈ నిర్ణయం ప్రభావం చూపుతుందని, తద్వారా దేశ ఆర్థిక వ్యవస్థపై పెనుభారం పడుతుందని నిపుణులు ఆందోళన వ్యక్తం చేశారు. ఈవారంలో జరిగే హౌస్‌ ఆఫ్‌ రిప్రెజెంటేటివ్స్‌లో మళ్ళీ రివ్యూ జరగడం, ఆ తర్వాత ఓటింగ్‌ జరగడం వంటివి ఉంటాయి.