జెడ్డాలో కొత్త ఎయిర్‌పోర్ట్‌ నిర్మాణ పనులు 90 శాతానికి పైగా పూర్తయినట్లు డిప్యూటీ ఎమిర్‌ ఆఫ్‌ ఎమిర్‌ ప్రిన్స్‌ అబ్దుల్లా బిన్‌ బందర్‌ చెప్పారు. డిప్యూటీ మినిస్టర్‌ ఆఫ్‌ ట్రాన్స్‌పోర్ట్‌ సాద్‌ అల్‌ ఖలాబ్‌తో మీటింగ్‌ సందర్భంగా ఈ వ్యాఖ్యలు చేశారాయన. కొత్త ఎయిర్‌పోర్ట్‌ 670,000 చదరపు మీటర్ల వైశాల్యంతో, 82 డొమెస్టిక్‌, ఇంటర్నేషనల్‌ మరియు విఐపీ లాంజ్‌లతో అదనంగా 96 ఎయిర్‌ బ్రిడ్జిలతో నిర్మితమవుతోంది. 30 మిలియన్‌ పాసింజర్లకు తొలి ఫేజ్‌లో సేవలు అందించనుంది ఈ విమానాశ్రయం. 2018 తొలి భాగంలోనే ఈ ఎయిర్‌పోర్ట్‌ సేవలందించేందుకు అందుబాటులోకి రానుంది. ఎకనమిక్‌ సిటీగా అవతరించిన జెడ్డాకి ఈ విమానాశ్రయం ప్రత్యేక ఆకర్షణ కానుంది. రెండో ఫేజ్‌లో 50 మిలియన్‌, మూడో ఫేజ్‌లో 100 మిలియన్‌ ప్రయాణీకులకు సేవలందించేలా విమానాశ్రయాన్ని అభివృద్ధి చేస్తారు.