కమల్ హాసన్ రాజకీయ ప్రవేశం పై మరోసారి కలకలం రేగింది. ఆయన అర్థరాత్రి పెట్టిన ట్వీట్లు ఇప్పుడు తమిళనాట సంచలనంగా మారాయి. తమిళంలో కమల్ పెట్టిన ట్వీట్లు ఆయన త్వరలో రాజకీయాల్లోకి అడుగుపెట్టాలనే విషయాన్ని బయటపెడుతున్నాయి. నేను ముఖ్యమంత్రిని కావాలని నిర్ణయిస్తే అని ఒక కవితలా ట్వీట్ చేశారు కమల్.. సామాన్యులు తనతో చేతులు కలపాలని కోరారు. తన కవిత ఎవరికైనా అర్థంకాకుంటే ఇంగ్లీష్ వార్తా పత్రికల్లో దాని అర్థాన్ని వెతుక్కోవచ్చన్నారు. దీంతో తమిళ మీడియా ఒక్కసారిగా కమల్ రాజకీయాల్లోకి రావడం ఖాయమంటోంది. అటు రజనీ కూడా రాజకీయాల్లోకి వచ్చేందుకు రెడీ అయిపోవడంతో తమిళ రాజకీయాల్లో మరోసారి రజనీ వర్సస్ కమల్ పోటీ మొదలవుతుందని చెబుతుంది. అన్నాడీఎంకే మంత్రుల నుంచి వచ్చిన విమర్శలు, ఇబ్బందులతోనే కమల్ రాజకీయాల్లోకి రావాలనుకుంటున్నాడనే వార్తలూ వస్తున్నాయి.