దుబాయ్‌: యూఏఈలో ఉద్యోగార్థుల కోసం 2,000కు పైగా వేకెన్సీలు ఎదురుచూస్తున్నాయి. దుబాయ్‌, అబుదాబీ, షార్జా, అజ్మన్‌, ఫుజైరా, రస్‌ అల్‌ ఖైమా తదితర ప్రాంతాల్లోని కంపెనీలు కొత్త ఉద్యోగుల్ని నియమించుకోవడానికి సిద్ధంగా ఉన్నాయి. డ్రైవర్ల నుంచి అకౌంటెంట్ల దాకా అలాగే ఆఫీస్‌ అసిస్టెంట్లు, సేల్స్‌ ఎగ్జిక్యూటివ్స్‌, ప్రాజెక్ట్‌ మేనేజర్స్‌ వంటి ఉద్యోగాల్లో నియమకాలు జరుగుతున్నాయి. బుధవారం 2,200 ఉద్యోగాలకు సంబంధించిన ప్రకటనలు వెలువడ్డాయి. హోటల్స్‌, క్లినిక్స్‌, రిటైల్‌ స్టోర్స్‌, ఫ్యాక్టరీస్‌, బ్యూటీ సెలూన్స్‌ వంటివాటిల్లో ఉద్యోగాలు ఔత్సాహికుల కోసం ఎదురుచూస్తున్నాయి. కన్‌స్ట్రక్షన్‌ మరియు ఇంజనీరింగ్‌ ఇండస్ట్రీలో అత్యధికంగా 402 ఖాళీలున్నాయి. ఈ ఏడాది తొలి మూడు నెలల్లో ఉద్యోగాల ప్రకటనల్లో కొంత తగ్గుదల కన్పించింది. అది సుమారుగా 47 శాతం వరకూ ఉందని అంచనా. అయితే తగ్గుదల ఉన్నప్పటికీ కూడా ఉద్యోగావకాశాలకు అయితే లోటు లేదని ఆ రంగ నిపుణులు పేర్కొంటున్నారు.