2017 తొలి అర్థ భాగంలో దుబాయ్‌ మునిసిపాలిటీ 94 ఫుడ్‌ ఔట్‌లెట్స్‌ మూసివేతకు నిర్ణయం తీసుకుంది. పరిశుభ్రత లేమి కారణంగా వీటిని మూసివేయాలని ఆదేశాలు జారీ చేశారు అధికారులు. అతి తక్కువ సమయంలోనే ఫుడ్‌ ఎస్టాబ్లిష్‌మెంట్స్‌ అన్నీ పూర్తిస్థాయి పరిశుభ్రత ఉండేలా చర్యలు తీసుకోవాలని ఈ సందర్భంగా దుబాయ్‌ మునిసిపాలిటీ ఫుడ్‌ సేఫ్టీ డిపార్ట్‌మెంట్‌ - ఫుడ్‌ ఇన్‌స్పెక్షన్‌ సెక్షన్‌ హెడ్‌ సుల్తాన్‌ అల్‌ తహెర్‌ అల్టిమేటం జారీ చేశారు. ఇంకో వైపున 1,409 ఫుడ్‌ ఎస్టాబ్లిష్‌మెంట్స్‌కి ఎక్స్‌లెంట్‌ మరియు గోల్డ్‌ రేటింగ్‌ని దుబాయ్‌ మునిసిపాలిటీ అందజేసింది. మొత్తం 15,681 తనిఖీలు నిర్వహించారు. చిన్న చిన్న ఉల్లంఘనలకు సంబంధించి నోటీసులు అందజేశామనీ, వారికి వార్నింగ్‌ ఇవ్వడం కూడా జరిగిందనీ, పెద్ద ఉల్లంఘనల విషయంలో రాజీ పడేది లేదని తహెర్‌ చెప్పారు. ముందు ముందు ఇంకా ఉధృతంగా తనిఖీలు జరుగుతాయని ఆయన చెప్పారు.