విశాఖ గాజువాకకు చెందిన ఓ మహిళ సౌదీలో అష్టకష్టాలు పడుతోంది. ఉపాధి కోసం అక్కడికి వెళ్లిన ప్రవీణను యజమాని హౌస్ అరెస్ట్ చేశాడు. దారుణంగా వేధిస్తున్నాడు. ఈ వేధింపులు తట్టుకోలేక చివరికిలాగో అతికష్టంమీద ఆమె తన భర్తకు వాట్సప్‌లో వీడియో మెసేజ్ పంపింది. తనకు ఆరు నెలలుగా నరకం చూపిస్తున్నారని కన్నీరు పెట్టింది. తండ్రి చనిపోయినా విశాఖ పంపకుండా చిత్రహింసలు పెట్టారని ఆవేదన వ్యక్తం చేసింది. తన ప్రాణాలు నిలబెట్టాలని వేడుకుంది. ప్రవీణ భర్త  ఈ సౌదీ దారుణాన్ని సీపీ యోగానంద్ దృష్టికి తెచ్చారు. తమ కుటుంబానికి న్యాయం చేయాలని వేడుకున్నారు. దీంతో, బాధితురాలిని స్వస్థలానికి తీసుకొచ్చేందుకు పోలీసుల ప్రయత్నం చేస్తున్నారు.