2015 నాటి టెర్రర్‌ ఎటాక్‌కి సంబంధించి మాస్టర్‌ మైండ్‌కి రక్షణగా నిలిచాడన్న ఆరోపణల నేపథ్యంలో సౌదీ జాతీయుడొకరిపై విచారణ జరుగుతోంది. ఆ ఘటనలో 15 మంది చనిపోగా, 33 మంది గాయపడ్డారు. స్పెషల్‌ ఎమర్జన్సీ ఫోర్సెస్‌ మాస్క్‌ - అసిర్‌పై దాడి ఘటనలో దోషిగా తేలిన సయీద్‌ అయెద్‌ సయీద్‌ అల్‌ దెయిర్‌ అల్‌ షర్హానితో నిందితుడికి సంబంధాలున్నాయనే ఆరోపణలున్నాయి. మక్కాలో 2016లో పోలీసులు జరిపిన దాడుల్లో అల్‌ షహ్రాని హతమయ్యాడు. నిందితుడికి అల్‌ షహ్రాని బంధువు. నిషేధిత తీవ్రవాద సంస్థ దయీష్‌కి మద్దతుగా సోషల్‌ మీడియాలో కామెంట్స్‌ పోస్ట్‌ చేయడంపైనా నిందితుడిపై కేసులు నమోదయ్యాయి.