షార్జా: నిర్మాణంలో ఉన్న ఓ భవనంలో అగ్ని ప్రమాదం సంభవించింది. షార్జాలో ఈ ఘటన జరిగినట్లు సివిల్‌ డిఫెన్స్‌ వర్గాలు వెల్లడించాయి. 11 అంతస్తుల భవనంపైన ఈ అగ్ని ప్రమాదం సంభవించిందని, ఈ ఘటనలో ఎవరూ గాయపడలేదని అధికారులు తెలిపారు. అల్‌ నధా ప్రాంతంలో ఈ భవనం ఉంది. ఘటన గురించిన సమాచారం అందుకోగానే సివిల్‌ డిఫెన్స్‌ వర్గాలు సంఘటనా స్థలానికి చేరుకున్నాయి. సమీపంలోని భవనాలనుంచి నివాసితుల్ని ఖాళీ చేయించారు సిబ్బంది. సోషల్‌ మీడియాలో అగ్ని ప్రమాదానికి సంబంధించిన ఫొటోల్ని షేర్‌ చేశారు ప్రత్యక్ష సాక్షులు.