దుబాయ్‌ రూలర్‌, యూఏఈ ప్రైమ్‌ మినిస్టర్‌, వైస్‌ ప్రెసిడెంట్‌ షేక్‌ మొహమ్మద్‌ బిన్‌ రషీద్‌ అల్‌ మక్తౌమ్‌, ఎమిరేట్స్‌ ఫ్లైట్‌ కేటరింగ్‌ సౌకర్యాల్ని పరిశీలించారు. ఈ సందర్భంగా మాట్లాడిన షేక్‌ మొహమ్మద్‌, ఎమిరేట్స్‌ ఎయిర్‌లైన్స్‌ సహా 120 ఎయిర్‌లైన్స్‌కి కేటరింగ్‌ విభాగం అందిస్తున్న సేవల్ని కొనియాడారు. సెంట్రల్‌ కమిస్సరీ యూనిట్‌, స్కైబేక్‌లను కూడా సందర్శించిన షేక్‌ మొహమ్మద్‌, అక్కడి పరిస్థితుల్ని అడిగి తెలుసుకున్నారు. 9 టన్నుల పండ్లు, 15 టన్నుల కూరగాయలు, 30 టన్నుల మీట్‌ని రోజువారీ హ్యాండిల్‌ చేసే సత్తా సిసియుకి ఉంది. ఏడాదికి 3,300 టన్నుల ఫ్లోర్‌ని ఉపయోగించి 97 రకాలైన 4,50,00 ఐటమ్స్‌ని సరఫరా చేసే శక్తి స్కైబేక్‌ సొంతం. ఎమిరేట్స్‌ ఫ్లైట్‌ కేటరింగ్‌ 10,000 మందికి పైగా ఉద్యోగుల్ని కలిగి ఉంది. 50 దేశాలకు చెందినవారు ఇందులో పనిచేస్తున్నారు. షేక్‌ మొహమ్మద్‌ వెంట దుబాయ్‌ సివిల్‌ ఏవియేషన్‌ అథారిటీ ప్రెసిడెంట్‌ షేక్‌ అహ్మద్‌ బిన్‌ సయీద్‌ అల్‌ మక్తౌమ్‌ సహా పలువురు ప్రముఖులు ఈ టూర్‌లో పాల్గొన్నారు.