నగరంలోని పలు ప్రాంతాల్లో కుండపోతగా వర్షం కురిసింది. శుక్రవారం సాయంత్రం నుంచి అర్ధరాత్రి వరకు ఎడతెరపి లేకుండా వర్షం కురిసింది. దీంతో రహదారులన్నీ జలమయమయ్యాయి. దాదాపు నాలుగు గంటల్లోనే 12 సెంటీమీటర్ల వర్షాపాతం నమోదు కావడం విశేషం. కాగా... శుక్రవారం సెలవు దినం కావడం, అందులో వినాయక చవితి పండుగ కావడంతో పెద్దగా వాహనదారులు బయటకు రాలేదు. కాగా... నగరంలోని ప్రధాన రహదారులేగాక వీధిరోడ్లు మొత్తం వర్షపు నీటితో నిండిపోయాయి. నాలాలు అన్నీ నిండిపోయి డ్రైనేజీ నీరంతా రోడ్లపైనే ప్రవహించింది.