ఇన్నోసెంట్ బ్యూటీ కాజల్ అగర్వాల్ కెరీర్ ఇప్పుడు టాప్ గేర్‌లో పడింది. కాజల్ హీరోయిన్‌గా చేసిన 'వివేకం'కి పాజిటివ్ ఫీడ్‌బ్యాక్ రావడంతో ఆమె ఖాతాలో మరో హిట్ పడినట్టే. ఇక ఇప్పుడు మరో ఇంట్రెస్టింగ్ ప్రాజెక్ట్‌లో కాజల్ లీడ్ రోల్ చేయబోతోందనే టాక్ మొదలైంది. 'కాంచన', 'గంగ'లాంటి హారర్ కామెడీలతో హిట్ కొట్టిన లారెన్స్ తాజాగా మరో హారర్ కామెడీ మూవీ చేయడానికి రెడీ అవుతున్నట్లు సమాచారం.
కాజల్ లీడ్ రోల్లో ఆ మూవీని తెరకెక్కించబోతున్నాడట. 'ముని' సిరీస్‌లో రాబోతోన్న ఈ సీక్వెల్‌లో క్యూట్ లుక్స్‌తో వుండే కాజల్‌ని తీసుకోవడంతోనే లారెన్స్ సగం సక్సెస్ అయ్యాడనే టాక్ వినిపిస్తోంది. 'గంగ' మూవీలో నిత్య మీనన్ రోల్ హైలైట్ అయినట్టే.. ఈ సీక్వెల్‌లో కాజల్ రోల్ హైలైట్ అవుతుందని అంటున్నారు. అయితే ఈ సీక్వెల్‌లో కాజల్ నటిస్తుందా లేదా అనేది విషయంలో అఫిషియల్‌గా క్లారిటీ రావాల్సి వుంది.