కావలసిన పదార్థాలు: సొరకాయ - అరకేజీ, (లేత) మటన్‌ - అరకేజీ, శనగపప్పు - 1 కప్పు, టమోటా తరుగు - 2 కప్పులు, ఉల్లి తరుగు - పావు కప్పు, పచ్చిమిర్చి -6, ఉప్పు - రుచికి తగినంత, కారం, పసుపు - అర టీ స్పూను చొప్పున, నూనె - 1 టేబుల్‌ స్పూను, అల్లం వెల్లుల్లి పేస్టు - 1 టీ స్పూను, కరివేపాకు - 4 రెబ్బలు.
తయారుచేసే విధానం: శనగపప్పులో కొద్దిగా ఉప్పు, పచ్చిమిర్చి వేసి మెత్తగా ఉడికించి, మెదిపి పక్కనుంచాలి. మటన్‌లో తగినంత నీరు పోసి కుక్కర్లో ఉడికించాలి. సొరకాయ క్యూబ్స్‌గా తరిగిపెట్టుకోవాలి. లోతైన కడాయిలో ఉల్లితరుగు, అల్లం వెల్లుల్లి పేస్టు, సొరకాయ ముక్కలు, టమోటా తరుగు, ఉప్పు, పసుపు, కారం ఒకటి తర్వాత ఒకటి వేసి కొద్దిసేపు వేగించాలి. ఉడికించిన మటన్‌, గ్లాసు నీరు కలిపి ఐదు నిమిషాల తర్వాత పప్పు మిశ్రమం, కరివేపాకు వేసి కొద్దిగా చిక్కబడ్డాక కొత్తిమీర చల్లి దించేయాలి. పలావు అన్నంతో కలుపుకుని తింటే ఎంతో రుచిగా ఉండే కూర ఇది.