మనామా: మినిస్ట్రీ ఆఫ్‌ వర్క్స్‌, మునిసిపాలిటీస్‌ ఎఫైర్స్‌ మరియు అర్బన్‌ ప్లానింగ్‌, గుడైబా అలాగే హూరా ప్రాంతాల్లోని లేబర్‌ అకామడేషన్లలో తనిఖీలు నిర్వహించనున్నట్లు వెల్లడించింది. ప్రైమ్‌ మినిస్టర్‌ ఖలీఫా బిన్‌ సల్మాన్‌ అల్‌ ఖలీఫా నేతృత్వంలో జరిగిన క్యాబినెట్‌ మీటింగ్‌ సూచన మేరకు ఈ తనికీల్ని నిర్వహించనున్నట్లుగా అధికారులు వివరించారు. మినిస్ట్రీ, సంబంధిత ప్రభుత్వ శాఖలతో కలిసి ఈ తనిఖీల్ని చేపట్టనుంది. మునిసిపల్‌ ఎఫైర్స్‌ అండర్‌ సెక్రెటరీ నబీల్‌ అబ్దుల్‌ ఫతే మాట్లాడుతూ ఈ వివరాల్ని తెలిపారు. సేవలను పెంచడం, అలాగే సౌకర్యాలను మెరుగుపర్చడంలో ప్రైమ్‌ మినిస్టర్‌ చూపుతున్న ప్రత్యేక శ్రద్ధకు కృతజ్ఞతలు తెలిపారాయన.