దుబాయ్‌: జనరల్‌ డైరెక్టరేట్‌ ఆఫ్‌ రెసిడెన్సీ అండ్‌ ఫారిన్‌ ఎఫైర్స్‌ - దుబాయ్‌ (జిడిఆర్‌ఎఫ్‌ఎ-దుబాయ్‌), ఈద్‌ అల్‌ అదా సెలవు సందర్భంగా వర్కింగ్‌ అవర్స్‌ని ప్రకటించింది. శుక్రవారం మినహా గురువారం నుంచి ఆదివారం వరకు అల్‌ మనారా సెంటర్‌, అల్‌ త్వార్‌ న్యూ సెంటర్‌లో ఉదయం 9 గంటల నుంచి మధ్యాహ్నం 1 గంటల వరకు, దుబాయ్‌ ఇంటర్నేషనల్‌ ఎయిర్‌పోర్ట్‌ టెర్మినల్‌ 3 వద్ద గల ఎక్సటర్నల్‌ సెంటర్‌ వారమంతా 24 గంటల పాటూ పనిచేయనుంది. జనరల్‌ డైరెక్టరేట్‌ ఆఫ్‌ రెసిడెన్సీ అండ్‌ ఫారిన్‌ ఎఫైర్స్‌ - దుబాయ్‌ మేజర్‌ జనరల్‌ మొహమ్మద్‌ అహ్మద్‌ అల్‌ మర్రి మాట్లాడుతూ, దుబాయ్‌ రెసిడెన్సీ ఉద్యోగులు ఈద్‌ అల్‌ అదా సందర్భంగానూ తమ సేవల్ని కొనసాగిస్తారని చెప్పారు. జిడిఆర్‌ఎఫ్‌ఎ - దుబాయ్‌, అమెర్‌ (8005111) నంబర్‌ ద్వారా ఏ సమయంలో అయినా సేవలందిస్తుంది. అలాగే ఇన్‌స్టాగ్రామ్‌, ట్విట్టర్‌ ద్వారా కూడా సమాచారాన్ని పొందవచ్చు. స్మార్ట్‌ ఫోన్‌ అప్లికేషన్‌, వెబ్‌సైట్‌ ద్వారా కూడా సమాచారాన్ని పొందే వీలుంది.