టాలీవుడ్ లో ఓ క్రేజీ మల్టీస్టారర్ రెడీ అవుతోంది. ఎవ్వరూ ఊహించని కాంబినేషన్ లో సూపర్ సినిమా రూపొందనున్నది. ఫ్యామిలీ ఆడియన్స్ లో ఫుల్ ఫాలోయింగ్ ఉన్న సీనియర్ హీరో, యూత్ లో మంచి క్రేజ్ సంపాదించుకున్న రైజింగ్ స్టార్ ఇద్దరూ కలిసి సినిమా చెయ్యబోతున్నారు. ఇంతకీ మల్టీస్టారర్ లో నటించబోతోన్న ఆఫ్యామిలీ హీరో, యూత్ స్టార్ ఎవరో వివరాల్లోకి వెళ్తే...
వెంకటేశ్-విజయ్ దేవరకొండ కాంబినేషన్ లో మల్టీస్టారర్ మూవీ రాబోతోంది. అర్జున్ రెడ్డితో కొంచెం అగ్రెసివ్ గా కనిపించిన విజయ్ దేవరకొండ, మిస్టర్ కూల్ గా కనిపించే విక్టరీ వెంకటేశ్ తో కలిసి సినిమా చెయ్యబోతున్నాడు. చాలా కాంట్రాస్ట్ ఇమేజ్ ఉన్న ఈ ఇద్దరు హీరోలు కలిసి సినిమా చేయబోతున్నారంటే ఆసక్తి కలగక మానదు.. సీతమ్మ వాకిట్లో సిరిమల్లె చెట్టు, గోపాలా గోపాలా సినిమాలతో మల్టీస్టారర్ ట్రెండ్ ను పీక్స్ కు తీసుకెళ్లిన వెంకీ, ఇప్పుడు రాక్ లైన్ వెంకటేశ్ నిర్మాణంలో విజయ్ దేవరకొండతో కలిసి సినిమా చెయ్యడానికి కమిట్ అయ్యాడట. భాస్కర్ దర్శకత్వంలో ఈసినిమా రాబోతోందట. రాక్ లైన్ కొంత గ్యాప్ తర్వాత తెలుగులో సినిమా నిర్మిస్తుండడంతో ఈమూవీపై ఎక్స్ పెక్టేషన్స్ పెరుగుతున్నాయి. విక్రమ్ వేద రీమేక్ గానే వస్తోందా? లేక కొత్తకథతో ఈ మల్టీస్టారర్ తెరకెక్కబోతోందా? అనేది కొంచెం సస్పెన్స్ గా మిగిలింది. అయితే వీళ్లిద్దరు కలిసి సినిమా చేస్తే మాత్రం ఆ మూవీ సమ్ థింగ్ స్పెషల్ గా ఉంటుందని చెప్పొచ్చు.