మహిళలపై 118 లైంగిక నేరాలకు పాల్పడినట్లు ఆరోపణలు ఎదుర్కొంటున్న లండన్‌లోని భారత సంతతి వైద్యుడు మనీష్‌ షా(47)ను బ్రిటన్‌ అధికారులు గురువారం కోర్టులో హాజరుపర్చారు. రోమ్‌ఫోర్డ్‌లో నివసించే మనీష్‌పై 65 అత్యాచార కేసులు, 52 లైంగిక వేధింపుల కేసులతోపాటు 13 ఏళ్ల మైనర్‌ బాలికపై లైంగిక వేధింపుల కేసుల్లో ఆరోపణలున్నాయి.
విచారణ సందర్భంగా మనీష్‌ తనపై ఉన్న ఆరోపణలను తోసిపుచ్చాడు. ఇరు పక్షాల వాదనలు విన్న కోర్టు మనీష్‌కు నిబంధనలతో కూడిన బెయిల్‌ మంజూరు చేస్తూ.. విచారణను సెప్టెంబర్‌ 27వ తేదీకి వాయిదా వేసింది. మనీష్‌ వైద్యుడిగా శిక్షణ పొందుతున్న జూన్‌ 2004–జూలై 2013 మధ్య కాలంలో ఈ నేరాలకు పాల్పడినట్లు అధికారులు పేర్కొన్నారు.