తేజ కేవలం కథ, కధలోని బలం ని నమ్ముకొని హిట్ కొట్టిన దర్శకుడు. అంతేకాదు.. టాలీవుడ్ కు నూతన నటీనటులను పరిచయం చెయ్యడంలో ముందుండేవాడు.. ఉదయ్ కిరణ్, నితిన్, నవదీప్, రీమాసేన్, సదా వంటి అనేకమంది నటీనటులను తెలుగు తెరకు పరిచయం చేశాడు.. చాలా కాలం గ్యాప్ తర్వాత రానా తో "నేనే రాజు నేనే మంత్రి" సినిమాతో మళ్ళీ సక్సెస్ ట్రాక్ ఎక్కాడు.. ఈ నేపద్యంలో తన నెక్స్ట్ సినిమాపై దృష్టి పెట్టినట్లు.. అదీ మెగా కాంపౌండ్ లో అడుగు పెట్టినట్లు తెలుస్తోంది. వివరాల్లోకి వెళ్తే...
కంచె సినిమాతో వెండి తెరపై అడుగు పెట్టిన వరుణ్ తేజ్.. ఫిదా సినిమాతో బంపర్ హిట్ అందుకొన్నాడు.. తాజాగా తేజ కూడా నేనే రాజు నేనే మంత్రి సినిమాతో హిట్ అందుకొన్నాడు.. వీరిద్దరి కాంబోలో ఓ లవ్ స్టోరీని తెరకెక్కించే సన్నాహాల్లో తేజ ఉన్నట్లు టాక్.. ఇప్పటికే సినిమాకు కధ రెడీ చేసే పనిలో ఉన్నాడట.. తేజ.. ప్రస్తుతం వరుణ్ వెంకీ అట్లూరి దర్శకత్వంలో సినిమా చేస్తున్న సినిమా పూర్తి అయ్యాక ఈ సినిమా పట్టాలెక్కనున్నట్లు ఫిల్మ్ నగర్ వర్గాల టాక్.. ఈ కాంబోలో సినిమాపై అధికారిక ప్రకటన వెలువడాల్సి ఉన్నది.