బ్లూ వేల్ ఛాలెంజ్ గేమ్ సూత్రధారిగా భావిస్తున్న రష్యా యువతిని పోలీసులు అరెస్ట్ చేశారు. బ్లూవేల్ ఆడేవారు ఆత్మహత్య చేసుకునేలా పురిగొల్పుతున్న యువతిగా ఆమెను గుర్తించినట్లు తెలుస్తోంది. ఇప్పటిదాకా ప్రపంచ వ్యాప్తంగా 130 మంది బ్లూ వేల్ ద్వారా ఆత్మహత్య చేసుకున్నారు. ఈ గేమ్‌లో నిర్దేశించిన టాస్క్‌ను పూర్తి చేయకపోతే చంపేస్తానని.. వారి కుటుంబ సభ్యుల్ని హతమారుస్తానని ఆ యువతి బాధితులను బెదిరించినట్లు అభియోగాలున్నాయి.
ఎవరైతే నిరాశా నిస్పృహలతో కుంగుబాటుకు గురౌవుతారో.. వారిని బ్లూవేల్ ఛాలెంజ్ లక్ష్యంగా తీసుకుంటుంది. ఇలా ఈ గేమ్‌ లక్ష్యాన్ని చేరుకోలేక 130 మందికిపైగా ఆత్మహత్యలకు పాల్పడ్డారు. ఇప్పటికే బ్లూవేల్‌ను కనిపెట్టిన రష్యన్‌ సైకాలజీ విద్యార్థి ఫిలిప్‌ బుడెకిన్‌కు మూడేళ్ళ జైలు శిక్ష విధించారు. తాజాగా బ్లూవేల్ ఆడేవారు రష్యా యువతి ఇంటిపై పోలీసులు దాడి చేయగా ఫిలిప్‌ ఫోటో అక్కడ కనిపించింది.
తొలుత ఈ ఆట ఆడిన ఆ యువతి తన ప్రాణాలు తీసుకునే టాస్క్‌ను పూర్తి చేయలేదు. దానికి బదులుగా, ఆ ఆట సైట్‌కు అడ్మినిస్ట్రేటర్‌గా మారి.. టాస్క్ పూర్తికాని వారిని ఆత్మహత్యకు పాల్పడేలా పురిగొల్పిందని పోలీసులు అంటున్నారు.