కువైట్ : ఆరుగురు సభ్యులు గల ఒక దొంగల ముఠా ఇటీవల  పోలీసులకు పట్టుబడింది. వీరికి  అనేక దొంగతనాలతో సంబంధం ఉన్న నేపథ్యంలో పోలీసులు ఆ ముఠాను అరెస్టు చేశారు. భద్రతా వర్గాలు తెలిపిన సమాచారం ప్రకారం ఈ అనుమానితులు ఏడు బైకులను ఉపయోగించి చోరీలకు పాల్పడతారు. ఈ దొంగలు బైకులపై వేగంగా వచ్చి బాధితుల వెనుకనుంచి మొబైల్ ఫోన్లు, వెనుక తగిలించుకున్నసంచులు లేదా వారు తీసుకువెళుతున్న ఇతర విలువైన వస్తువులను లాక్కొని అక్కడ్నుంచి మాయమయ్యేవారు. అంతేకాకుండా ఈ అనుమానితులు పలు వాహనాలను కిటికీ అద్దాలను పగులగొట్టి అందులో ఉన్న పలు విలువైన వస్తువులను సైతం  దొంగిలించారని భద్రతా వర్గాలు తెలిపాయి. ఆరుగురు సభ్యులు గల ఈ దొంగల ముఠాపై మొత్తం 23 దోపిడీ కేసులలో ప్రధాన నిందితులుగా ఉన్నట్లు వారు ఆరోపణలు ఎదుర్కొంటున్నారు.