షార్జా: కొత్త విద్యా సంవత్సరం ప్రారంభమవుతుండడంతో షార్జా పోలీసులు సరికొత్త ట్రాఫిక్‌ ప్లాన్‌తో ముందుకొస్తున్నారు. 79 ట్రాఫిక్‌ పెట్రోల్స్‌ని వినియోగించనున్నారు. పీక్‌ అవర్స్‌లో ఈ ట్రాఫిక్‌ పెట్రోల్స్‌ ఎక్కడా ట్రాఫిక్‌ సమస్య తలెత్తకుండా చూడనున్నాయి. ఎమిరేట్‌ వ్యాప్తంగా అన్ని రోడ్లపైనా వీటిని వినియోగిస్తారు. కొన్ని పెట్రోల్స్‌, స్కూల్‌ జోన్స్‌ వద్ద ఏర్పాటు చేస్తున్నారు. సోషల్‌ మీడియా, స్మార్ట్‌ ఫోన్స్‌ వంటి సౌకర్యాల ద్వారా కమ్యూటర్స్‌ని ఎప్పటికప్పుడు అప్రమత్తం చేసేందుకూ చర్యలు చేపడతారు. మేజర్‌ అల్‌ నబ్కి మాట్లాడుతూ, ట్రాఫిక్‌ నిబంధనల్ని ప్రతి ఒక్కరూ పాటించాలనీ, స్కూల్‌ యాజమాన్యాలు ట్రాఫిక్‌ సమస్యలకు సంబంధించి పోలీసులకు సమాచారం అందజేయాలనీ, పోలీసులకు సహకరించాలని విజ్ఞప్తి చేశారు. భద్రత విషయమై అధికారులు స్కూలు విద్యార్థులు, యాజమాన్యాలతోనూ ఇంటరాక్ట్‌ అయి వారికి కొన్ని సూచనలు చేయడంతోపాటు, వారి నుంచీ కొన్ని సూచనల్ని అందుకున్నారు.