కావలసిన పదార్థాలు: బొప్పాయి గుజ్జు - 2 కప్పులు, పంచదార - 1 కప్పు, యాలకుల పొడి - అర టీ స్పూను, నెయ్యి - 2 టేబుల్‌ స్పూన్లు.

తయారుచేసే విధానం: దళసరి అడుగున్న కడాయిలో బొప్పాయి గుజ్జుతో పాటు, 3 టేబుల్‌ స్పూన్ల నీరు పోసి మెత్తగా (గుజ్జు ఒక కప్పు అయ్యే వరకు) ఉడికించాలి. ఇప్పుడు పంచదార వేసి చిన్న మంటపై తడి పూర్తిగా పోయి, కడాయికి అంటుకునే వరకు ఉంచి మంట తీసి, యాలకుల పొడి చల్లాలి. తర్వాత గుజ్జునంతా నెయ్యి రాసిన (వెడల్పాటి) బోర్లించిన ప్లేటుపై వేసి, నెయ్యి రాసిన రొట్టెల కర్రతో చదునుగా చెయ్యాలి. తర్వాత కత్తితో డైమండ్స్‌ ఆకారంలో ముక్కలు కట్‌ చేసుకోవాలి.