కావలసినవి: ఇలాచి (యాలక్కాయలు) - ఏడు, పంచదార - నాలుగు టీస్పూన్లు, నిమ్మకాయ - సగం చెక్క, నీళ్లు - మూడు కప్పులు.
 
తయారీ: ఒక కప్పు నీళ్లను వేడిచేసి యాలక్కాయలు వేయాలి. అవి వేశాక మరో ఐదు నిమిషాలు మంట మీదనే ఉంచి తరువాత స్టవ్‌ మీద నుంచి దింపేయాలి. ఈ నీళ్లను పక్కనపెట్టి చల్లార్చాలి. మిగిలిన రెండు కప్పుల నీళ్లతో పంచదార సిరప్‌ను తయారుచేయాలి. నీళ్లలో పంచదార కరిగే వరకు స్టవ్‌ మీద గిన్నె ఉంచి దింపేయాలి. ఇది కూడా చల్లారాక యాలక్కాయల నీళ్లు, నిమ్మరసం కలిపి రిఫ్రిజిరేటర్‌లో పెట్టాలి. చల్లచల్లగా తాగితే ఇలాచి ఫ్లేవర్‌ వేసవి వేడినుంచి ఉపశమనాన్ని కలిగించడం ఖాయం.