ఇటాలియన్‌ రెస్టారెంట్‌ రిసెట్టా, తమ కొత్త బ్రాండ్‌ పిజ్జా ప్రమోషన్‌లో భాగంగా వినియోగదారులకు 1 దిర్హామ్‌కే పిజ్జా అందించేలా కొత్త స్కీమ్‌ని ప్రకటించింది. సెప్టెంబర్‌ 15న తొలి వంద మంది వినియోగదారులకు మాత్రమే ఈ ఆఫర్‌ని ప్రకటించింది ఆ సంస్థ. అంతే ఉదయం 7.30 నిమిషాలకే తొలి కస్టమర్‌ 1 దిర్హామ్‌ వెచ్చించి, పిజ్జా సొంతం చేసుకున్నారు. ఆ తర్వాత పెద్ద సంఖ్యలో అక్కడికి పిజ్జా లవర్స్‌ చేరుకున్నారు. ఇటాలియన్‌ రెస్టారెంట్లలో పిజ్జా చాలా చాలా ప్రత్యేకమైన వంటకం, చాలా ఎక్కువమంది మెచ్చే వంటకం కూడా. రిసెట్టాలోని పిజ్జా సెలక్షన్‌లో వివిధ రకాలైన ఫ్లేవర్లలో వెరైటీ పిజ్జాలు లభిస్తాయి. షెరటన్‌ బుర్‌ దుబాయ్‌ -ఫోర్‌ పాయింట్స్‌ వద్ద ఈ పిజ్జా సందడితో పండగ వాతావరణం నెలకొంది.