తెలంగాణ ప్రభుత్వం నుంచి ఫిల్మ్ ఇండస్ర్టీకి అన్నివిధాలా తోడ్పాటు, సహకారం వుంటుందని అన్నారు సీఎం కేసీఆర్. డైరెక్టర్ రాజమౌళికి ఆదివారం హైదరాబాద్‌లో అక్కినేనినాగేశ్వరరావు జాతీయ పురస్కారాన్ని ఉపరాష్ర్టపతి వెంకయ్యనాయుడు ప్రదానం చేశారు.
ఈ సందర్భంగా మాట్లాడిన తెలంగాణ ముఖ్యమంత్రి కేసీఆర్.. ఫిల్మ్ ఇండస్ర్టీలో రాజమౌళి ఉన్నతమైన శిఖరాలు అధిరోహించాలని, మరిన్ని విజయాల్ని సొంతం చేసుకోవాలని ఆశీర్వదిస్తున్నామని తెలిపారు.
ఈ కార్యక్రమానికి ముఖ్యఅతిథిగా హాజరైన ఉపరాష్ర్టపతి వెంకయ్యనాయుడు మాట్లాడుతూ.. అక్కినేని నాగేశ్వరరావు తన 91వ యేట వరకు కళాకారుడిగానే జీవించారని, ఆయన నటించిన సినిమాల్ని తలచుకొంటే ఓ మధురానుభూతి కలుగుతుందన్నారు.