ఎమిరేటీ ఫుట్‌బాల్‌ ప్లేయర్‌ మర్వాన్‌ మొహమ్మద్‌, రోడ్డు ప్రమాదం నుంచి క్షేమంగా బయటపడ్డాడు. ఇటీవలే యూత్‌ టీమ్‌లో చేరిన మొహమ్మద్‌, రస్‌ అల్‌ ఖైమా నుంచి దుబాయ్‌కి తన వాహనంలో వస్తుండగా, వేగంగా వెళుతున్న మరో కారు మొహమ్మద్‌ కారుని ఢీకొంది. ఈ ఘటనలో మొహమ్మద్‌ ప్రయాణిస్తున్న కారు ధ్వంసమయ్యింది. ఆ వైపుగా ఇంకెలాంటి భారీ వాహనాలూ రాకపోవడంతో పెను ప్రమాదం దక్కింది. ఎలాంటి గాయాలూ కాకపోవడంతో, మొహమ్మద్‌ గురువారం నుంచి తిరిగి ప్రాక్టీస్‌ కార్యక్రమాల్లో పాల్గొంటున్నారు. రోడ్డు ప్రమాదం నుంచి మొహమ్మద్‌ తప్పించుకున్నారనీ, అయితే ఆయన ప్రయాణిస్తున్న లెక్సస్‌ కారు మాత్రం ధ్వంసమయ్యిందని అధికారులు తెలిపారు. ఈ కేసు విచారణ కొనసాగుతోందని వారు అన్నారు.