బతుకమ్మ వేడుకలు ఖండాంతరాలకు వ్యాపించాయి. తెలంగాణలోనే కాదు.. విదేశాల్లోనూ పూల పండుగను ఘనంగా నిర్వహిస్తున్నారు ప్రవాస తెలంగాణవాసులు. సౌతాఫ్రికాలో ఈ నెల 24న బతుకమ్మ వేడుకలను నిర్వహించనున్నట్లు తెలంగాణ అసోసియేషన్ ఆఫ్ సౌతాఫ్రికా ప్రతినిధి సుధీర్ గుండం చెప్పారు. సౌతాఫ్రికాలో జరిగే బతుకమ్మ ఉత్సవాలకు సౌతాఫ్రికాలో ఉండే తెలంగాణ వారందరూ హాజరు కావాలని టీఆర్‌ఎస్ ఎంపీ కవిత కూడా పిలుపునిచ్చారు. ఈ సందర్భంగా సౌతాఫ్రికాలో ఉంటున్న తెలంగాణ బిడ్డలందరికీ ఆమె బతుకమ్మ, దసరా శుభాకాంక్షలు తెలిపారు. అక్కడ మీరందరూ బతుకమ్మ పండుగ జరుపుకుంటే ఇక్కడ మాకు కూడా సంతోషంగా ఉంటుందని కవిత పేర్కొన్నారు.