బాలీవుడ్ నటుడు రాజ్ కుమర్ రావు నటించిన చిత్రం న్యూటన్ ఆస్కార్‌కు నామినేట్ అయ్యింది.  ఉత్తమ విదేశీ చిత్రం విభాగంలో ఈ చిత్రం నామినేట్ అయ్యింది.  తాను నటించిన సినిమా ఆస్కార్‌కు నామినేట్ అయినందుకు రాజ్‌కుమర్ రావు హర్షం వ్యక్తం చేశారు. ఎన్నికలు సజావుగా జరగనివ్వకుండా గూండాలు, రౌడీలు అడ్డుపడుతుంటే వారిని న్యూటన్ ఎలా ఎదుర్కొన్నాడు అనేది ఈ చిత్రంలో చూపించారు.  రాజకీయ వ్యంగ్య రూపకంగా తెరకెక్కిన ఈ చిత్రంలో రాజ్‌కుమార్ రావుతో పాటు పంకజ్ త్రిపాఠి, అంజలి పాటిల్, రఘుబీర్ యాదవ్ ప్రధాన పాత్రల్లో నటించారు. ఈ సినిమాకు అమిత్ మసూకర్ దర్శకత్వం వహించారు.