ప్రపంచ వ్యాప్తంగా ఐ ఫోన్‌కి ఉన్న క్రేజ్‌ అలాంటిలాంటిది కాదు. యాపిల్‌ కంపెనీ నుంచి ఐ ఫోన్‌ కొత్త వెర్షన్‌ మార్కెట్‌లోకి వస్తోందంటే చాలు, ప్రపంచమంతా ఉత్కంఠగా ఎదురుచూస్తుంటుంది. యూఏఈలోనూ అదే ఉత్కంఠ నెలకొంది. ఈసారి మొట్టమొదట ఐఫోన్‌ని యూఏఈలో దక్కించుకున్న వ్యక్తి పేరు ఇబ్రహీమ్‌ అల్‌ఛామ్సి. ఉదయం 8 గంటలకే దుబాయ్‌ - మాల్‌ ఆఫ్‌ ఎమిరేట్స్‌, అఉబదాబీ - యాస్‌ మాల్‌ వద్ద ఐ ఫోన్‌ అమ్మకాలు ప్రారంభమయ్యాయి. మొట్టమొదటి వినియోగదారుడు ఇడ్రహీమ్‌, తొలి ఐఫోన్‌ని యూఏఈలో సొంతం చేసుకుని పట్టలేని ఆనందాన్ని వ్యక్తం చేశాడు. అయితే ఆయన ఒక్క ఫోన్‌తో సరిపెట్టలేదు. మొత్తం 12 ఫోన్లను దక్కించుకున్నాడు. 'నా కోసం, నా కుటుంబ సభ్యుల కోసం' అని చెప్పాడు 12 ఫోన్ల గురించి అడిగితే. రెండో వినియోగదారుడి పేరు బఖిత్‌ సయీద్‌ అలసుబౌషి. మిగతా ఖరీదైన ఫోన్లకంటే ఐఫోన్‌ ప్రత్యేకమైనది కావడంతోనే దీని కోసం బుక్‌ చేశానని చెప్పారాయన.