మనామా: హెల్త్‌ మినిస్టర్‌ ఫయీకా అల్‌ సలె, గృహ హింస బాధితురాల్ని సలమానియా మెడికల్‌ కాంప్లెక్స్‌ (ఎస్‌ఎంసి)లో పరామర్శించారు. సిరియా జాతీయురాలైన 35 ఏళ్ళ జహ్రా సుభి, గృహ హింస కారణంగా ప్రాణాపాయ స్థితిలోకి వెళ్ళిపోగా, ఆమెను ఆసుపత్రిలో చేర్చి, చికిత్స అందిస్తున్న సంగతి తెలిసినదే. ఈ నేపథ్యంలో బాధితురాలి గురించి తెలుసుకున్న హెల్త్‌ మినిస్టర్‌ ఆమెను పరామర్శించి, ఆసుపత్రి వర్గాల్ని ఆమె ఆరోగ్య పరిస్థితి గురించి అడిగి తెలుసుకున్నారు. అలాగే ఎస్‌ఎంసి ఆసుపత్రిలో పలు వార్డుల్లో హెల్త్‌ మినిస్టర్‌ సందర్శించి, రోగులకు అందుతున్న వైద్య చికిత్సల గురించి తెలుసుకున్నారు.