శ్రీమంతుడు సక్సెస్ తర్వాత కొరటాల శివ , మహేష్ బాబు కాంబినేషన్ లో రాబోతున్న చిత్రం భరత్ అను నేను. పొలిటికల్ బ్యాక్ డ్రాప్ తో తెరకెక్కుతున్న ఈ మూవీ లో మహేష్ బాబు ముఖ్య మంత్రి రోల్ లో కనిపించబోతున్నాడు. ప్రస్తుతం ఈ చిత్ర షూటింగ్ హైదరాబాద్ లోని అన్నపూర్ణ స్టూడియో లో వేసిన ప్రత్యేక సెట్ లో జరుగుతుంది. ఈ నేపథ్యం లో సినిమాకు సంబదించిన ఫస్ట్ లుక్ ను చిత్ర యూనిట్ రిలీజ్ చేసారు.
ఈ ఫస్ట్‌లుక్‌లో మహేశ్‌ ఎప్పటిలాగే హ్యాండ్సమ్‌గా కనిపిస్తున్నారు. పక్కన ఇద్దరు గన్‌మెన్‌లతో నడిచొస్తున్న స్టిల్‌ ఆకట్టుకుంటోంది. ఆయన వెనక బ్రహ్మాజీ కూడా ఉన్నారు. ఈ లుక్ చూసి మహేష్ అభిమానులు పండగా చేసుకుంటున్నారు. స్పైడర్ ప్లాప్ తో నిరాశలో ఉన్న వీరికి ఈ పిక్ కొత్త సంతోషాన్ని నింపింది.
ఈ చిత్రంలో మహేశ్‌కి జోడీగా బాలీవుడ్‌ నటి కైరా అడ్వాణీ నటిస్తోంది. 2018లో ఈ చిత్రం ప్రేక్షకుల ముందుకు రానుంది.