కావలసిన పదార్థాలు: రాగిపిండి - 1 కప్పు, పంచదార - 1 కప్పు, నీరు - 1 కప్పు (పంచదారకు సమాన కొలతగా నీరు వాడాలి), నెయ్యి - అరకప్పు, యాలకుల పొడి - అర టీ స్పూను, పిస్తా, బాదం ముక్కలు కొన్ని.
తయారుచేసే విధానం: నెయ్యిలో రాగిపిండిని వేగించాలి. ఒక పాత్రలో నీరు పోసి, పంచదార, యాలకులపొడి వేయాలి. పంచదార పూర్తిగా కరిగాక, దోరగా వేగిన రాగిపిండిలో ఉండలు కట్టకుండా పంచదార నీటిని కొద్దికొద్దిగా పోస్తూ గరిటతో తిప్పాలి. సన్నని మంటపై 15 నిమిషాలు ఉడికించిన తర్వాత ఒక ప్లేట్‌లోకి తీసుకుని పిస్తా, బాదం పప్పులతో అలంకరించాలి.