పెద్ద నోట్ల రద్దు, జీఎస్టీపై నెలకొన్న అనిశ్చితిల నేపథ్యంలో భారత వృద్ధిరేటు అంచనాలను ప్రపంచ బ్యాంక్‌ తగ్గించింది. 2015లో 8.6 శాతం ఉన్న వృద్ధిరేటు 2017లో 7 శాతానికే పరిమితమవుతుందని దక్షిణాసియా ఆర్థిక స్థితిగతులపై ఏర్పాటు చేసిన సదస్సులో తెలిపింది. ప్రైవేటు పెట్టుబడులు పుంజుకోకపోతే ఆర్థిక వ్యవస్థపై మరింత ప్రతికూల ప్రభావం పడుతుందని హెచ్చరించింది. ప్రభుత్వ పథకాలపై ఖర్చు, ప్రైవేటు పెట్టుబడులను సమతుల్యం చేస్తూ ముందుకు సాగితే.. 2018లో భారత వృద్ధి రేటు 7.3 శాతానికి చేరవచ్చని ప్రపంచ బ్యాంక్‌ లెక్కకట్టింది.