దుబాయ్‌కి చెందిన ఎమిరేట్స్‌ ఎయిర్‌లైన్‌, ఎకానమీ క్లాస్‌ య్రాణీకులకు 96 గంటల యూఏఈ వీసాని అందించేందుకు ముందుకొచ్చింది. ఢాకా నుంచి ఆఫ్రికా, కెనడా, యూరోప్‌ లేదా అమెరికాలోని డెస్టినేషన్స్‌ కోసం వీసా సౌకర్యాన్ని కల్పించనుంది. బిజినెస్‌ లేదా ఫస్ట్‌ క్లాస్‌ సర్వీస్‌ ప్రయాణీకులకు రెండు రాత్రుల స్టేని జెడబ్ల్యు మారియట్‌ మార్కిస్‌ దుబాయ్‌లో కల్పించనుండడం మరో ఆఫర్‌గా చెప్పుకోవాలి. కాంప్లిమెంటరీ వీసా సౌకర్యానికి ఇది అదనమని ఎయిర్‌లైన్స్‌ వర్గాలు వెల్లడించాయి. అక్టోబర్‌ 8 నుంచి అక్టోబర్‌ 22 వరకు బుక్‌ చేసుకున్న ప్రయాణీకులకు ఈ ఆఫర్‌ వర్తిస్తుంది. అక్టోబర్‌ 15 నుంచి నవంబర్‌ 30 మధ్యలో ప్రయాణీకులు తమ ప్రయాణ సౌకర్యాన్ని వినియోగించుకోవచ్చు. ఔట్‌ బౌండ్‌ లేదా ఇన్‌ బౌండ్‌కి డైరెక్షన్‌లో ఒకే ఒక్క స్టాపోవర్‌ని అనుమతిస్తారు. నవంబర్‌ 30 నాటికి స్టాపోవర్‌ అందుబాటులో ఉండాలి.