అతి తక్కువ టైం లో మెగా హీరో అనిపించుకున్న హీరో సాయి ధరమ్ తేజ్..రేయ్ తో నిరాశ పరిచిన కానీ ఆ తర్వాత వరుస విజయాలతో తన దూకుడును కనపరిచాడు. ఇటీవల నక్షత్రం మూవీ లో గెస్ట్ రోల్ లో కనిపించి మెగా ఫ్యాన్స్ ను అలరించిన ఇతడు త్వరలో బివిఎస్ రవి దర్శకత్వం లో జవాన్ అంటూ రాబోతున్నాడు.

ఇప్పటికే రిలీజ్ అయినా ఫస్ట్ లుక్ పోస్టర్స్ , టీజర్ తో సినిమా ఫై భారీ అంచనాలు నెలకొని ఉన్నాయి. ఈ నేపథ్యం లో ఈ సినిమా సెప్టెంబర్ నెలలో ప్రేక్షకుల ముందుకు రాబోతుందని ప్రకటించినప్పటికీ , కథ లో కొన్ని మార్పులు చేయడం తో సినిమా రి షూట్ చేయడానికి నిర్ణయించారు. దాంతో సినిమా ముందుగా అనుకున్న టైం కు కాకుండా డిసెంబర్ 1న ఈ సినిమా రిలీజయ్యే అవకాశాలున్నట్టు తెలుస్తోంది.

ఈ వార్తపై పూర్తి క్లారిటీ రావాలంటే నిర్మాణ సంస్థ నుండి అధికారిక ప్రకటన వెలువడే వరకు వచ్చి చూడాల్సిందే. అరుణాచల్ క్రియేషన్స్ బ్యానర్ పై కృష్ణ నిర్మిస్తున్న ఈ చిత్రంలో మెహ్రీన్ కౌర్ హీరోయిన్ గా కనిపించనుంది. తేజ్ ఈ సినిమాలో దేశమా, కుటుంబమా అనే సంఘర్షణను ఎదుర్కునే ఒక భాద్యత గల యువకుడి పాత్రలో కనిపించనున్నాడు. అలాగే వినాయక్ దర్శకత్వం లో మరో సినిమా చేస్తున్నాడు తేజు.