కేరళలోని కొచ్చిన్ విమానంలో హైజాక్ కలకలం
- November 13, 2017బాంబుతో విమానాన్ని హైజాక్ చేస్తానంటూ బెంబేలెత్తించిన ప్రముఖ మ్యూజిక్ ఛానెల్ ప్రయోక్త (యాంకర్)ను పోలీసులు అదుపులోకి తీసుకున్నారు. కేరళలోని కొచ్చిన్ విమానాశ్రయంలో సోమవారం ఈ ఘటన చోటుచేసుకుంది. ముంబయికి 170 మందితో వెళ్లాల్సిన జెట్ ఎయిర్వేస్ 9డబ్ల్యూ 825 విమానంలో త్రిస్సూర్కు చెందిన 26 ఏళ్ల క్లిన్స్ వర్గీస్ టికెట్ బుక్చేసుకున్నారు. అయితే విమానం ఎక్కే సమయంలో ఆయన చరవాణితో ఓ వీడియో తీశారు. తన దగ్గరున్న 'హ్యాపీ బాంబ్'తో కొద్దిసేపట్లో విమానాన్ని హైజాక్ చేయబోతున్నానని ఓ సందేశాన్నీ పంపారు. అంతేకాదు ఈ విషయాన్ని తనతోపాటు వచ్చిన మరో ప్రయాణికుడికీ చెప్పారు. ఈ సంగతి గమనించిన సిబ్బంది భద్రతా బలగాలను అప్రమత్తం చేశారు. దీంతో వెంటనే ప్రయాణికులందరినీ సిబ్బంది బయటకు పంపించారు. వర్గీస్ బ్యాగ్ సహా విమానం మొత్తం జాగ్రత్తగా తనిఖీలు చేపట్టారు. వర్గీస్ను తోటి ప్రయాణికుడితోపాటు పోలీసులకూ అప్పగించారు.
ఘటన కారణంగా విమానం రెండు గంటలు ఆలస్యంగా వెళ్లింది.
తాజా వార్తలు
- దుబాయ్ కి పంపుతానని చెప్పి ఘరానా మోసం చేసిన ఏజెంట్
- ఏపీలో ఎన్నికల హింస పై 13 మందితో సిట్ ఏర్పాటు..
- అమ్మ ఆదర్శ పాఠశాల, వరి ధాన్యం కొనుగోళ్ల పై కీలక ఆదేశాలు జారీ
- ఖతార్లోని మ్యూజియమ్స్.. ఫ్రీ ఎంట్రీ
- చెక్స్ బౌన్స్. పరిహారంగా BD64,000
- 'అబ్షర్' ద్వారా యాక్సిడెంట్ రిపోర్టింగ్, వెహికల్ బదిలీ
- ఒమన్లో కొన్ని బ్యాంకు నోట్లు త్వరలోఉపసంహరణ..!
- ఆన్లైన్లో వస్తువులను విక్రయిస్తున్నారా? పోలీసుల హెచ్చరిక
- 1,300 కంపెనీలకు Dh100,000 జరిమానా..!
- IIT ఢిల్లీ–అబుధాబి.. ప్రవేశాలకు నోటిఫికేషన్ విడుదల