ఇక కొత్తగా డ్రైవింగ్ నేర్చు కుంటున్న వాళ్ళు     అంత సులభంగా ఒమాన్ రోడ్లపై చక్కర్లు కొట్ట లేరు! అమలులోకి రానున్నకొత్త నియమాల ప్రకారం శిక్షకులు , ఎన్ రోల్ చేసుకున్న వెంటనే తమ విద్యార్ధులను రోడ్ల పైకి తీసుకు రారాదు - అని పొలిసు శాఖ వారి అధికార ప్రతినిధి ఒకరు తెలియజేసారు. డ్రైవింగ్ శిక్షణ వివిధ స్థాయిలలో ఉండేలాగా నిపుణులు సిద్ధం చేస్తున్నారని, ఆయా స్థాయిలలో శిక్షణ పూర్తి చేసుకున్న తరువాత మాత్రమే డ్రైవింగ్ విద్యార్ధులను రోడ్లపై నడపడానికి అనుమతించడం ద్వారా, ఇక్కడి రోడ్లపై ప్రమాదాలను తగ్గించడానికి ఈ విధానం ఉపయోగిస్తుందని, ఇందుకు ప్రజల సమ్మతి కూడా తోడయిందని ఆ అధికారి స్పష్టం చేసారు.