ఉమ్‌ అల్‌ కువైన్‌, పరిమిత కాలానికిగాను 50 శాతం డిస్కౌంట్‌ని ట్రాఫిక్‌ జరీమానాలపై ప్రకటించింది. నవంబర్‌ 19న ప్రారంభమయ్యే ఈ ఆఫర్‌, 42 రోజుల్లో ముగస్తుంది. నవంబర్‌ 19 నుంచి డిసెంబర్‌ 31 వరకు చెల్లింపులు చేస్తే 50 శాతం డిస్కౌంట్‌ లభిస్తుంది గనుక, ఈ ఆఫర్‌ని ప్రతి ఒక్కరూ వినియోగించుకోవాలనీ, నేషనల్‌ డే సెలబ్రేషన్స్‌లో భాగంగా ఈ ఆఫర్‌ని ప్రకటించామని యుఎక్యూ ట్రాఫిక్‌ పోలీస్‌ డిప్యూటీ డైరెక్టర్‌ కల్నల్‌ హుమైద్‌ అహ్మద్‌ సయీద్‌ అల్‌ అలి చెప్పారు. వాహనదారుల ఆర్థిక పరిస్థితిని దృష్టిలో పెట్టుకుని ఈ నిర్ణయం తీసుకున్నామనీ, ఆర్థిక భారం తగ్గించడంలో భాగంగానే డిస్కౌంట్స్‌ ప్రకటించామని అధికారులు పేర్కొన్నారు. ఇంకో వైపున రస్‌ అల్‌ ఖైమా ట్రాఫిక్‌ జరీమానాల డిస్కౌంట్‌కి సంబంధించి గడువుని డిసెంబర్‌ 2 వరకు పొడిగించిన సంగతి తెలిసినదే.