గంటకు 278 కిలోమీటర్ల వేగంతో రయ్యిన దూసుకుపోయిన ఓ బైకర్‌ రాడార్‌కి పట్టుబడ్డాడు. ఈ రోడ్డుపై వేగ పరిమితిని గంటకు 120 కిలోమీటర్లుగా నిర్ధారించారు. అయినా నిబంధనల్ని బేఖాతరు చేస్తూ ఓ బైకర్‌ గంటకు 278 కిలోమీటర్ల వేగంతో షార్జా హైవేపై వాహనాన్ని నడపడం ఆశ్చర్యకరం. ఈ ఘటనలో బైకర్‌కి జరీమానాని, అలాగే నోటీసుని పంపడం జరిగింది. ఇంకో ఘటనలో యూఏఈ హైవేప గంటకు 204 కిలోమీటర్ల వేగంతో దూసుకెళ్ళిన కారుని రాడార్లు గుర్తించాయి. ఈ తరహా నిబంధనల ఉల్లంఘనకు భారీ జరీమానాలతోపాటుగా, కఠిన శిక్షలు కూడా అమలు చేస్తున్నారు. వాహనాల్ని స్వాధీనం చేసుకోవడం, లైసెన్స్‌లను రద్దు చేయడం, అలాగే బ్లాక్‌పాయింట్స్‌ పెద్ద సంఖ్యలో విధించడం వంటివి చేస్తారు.