మనామా: సుప్రీం కౌన్సిల్‌ ఆఫ్‌ విమెన్‌ (ఎస్‌సిడబ్ల్యు) బహ్రెయినీ విమెన్స్‌ డే వేడుకల్ని శనివారం నిర్వహించనున్నారు. ఈ సందర్భంగా ఇంజనీరింగ్‌ ప్రొఫెషన్‌లో బహ్రెయినీ మహిళలు సాధించిన విజయాల గురించి చర్చిస్తారు. డిసెంబర్‌ 1న జరిగే కార్యక్రమంలో బహ్రెయిన్‌ అభివృద్ధిలో మహిళల భాగస్వామ్యంపై చర్చిస్తారు. ఈ వెంట్స్‌కి ప్రిపెన్సస్‌ సబీకా బింట్‌ ఇబ్రహమీమ్‌ అల్‌ ఖలీఫా (కింగ్‌ సతీమణి) ముఖ్య అతిథిగా హాజరవుతారు. సుప్రీం కౌన్సిల్‌ ఆఫ్‌ విమెన్‌ ప్రెసిడెంట్‌గా ఆమె బాధ్యతలు నిర్వహిస్తున్నారు. గడచిన నలభయ్యేళ్ళలో అగ్రికల్చరల్‌, సివిల్‌ ఇంజనీరింగ్‌, కెమికల్‌ ఇంజనీరింగ్‌, ఎలక్ట్రికల్‌ ఇంజనీరింగ్‌ విభాగాల్లో మహిళలు సాధించిన ప్రగతి, ఆయా రంగాల్లో వారి పాత్ర వంటి అంశాలపై ప్రత్యేకంగా చర్చించనున్నారు.