యెమెనీ మిస్సైల్‌ని మరోసారి సౌదీ అరేబియా కూల్చివేసింది. ఖామిస్‌ ముషైత్‌ ప్రాంతంలో ఈ మిసైల్‌ని కూల్చివేసినట్లు అధికారులు వెల్లడించారు. ఔదీ ఎయిర్‌ ఫోర్స్‌ రాత్రి 8.20 నిమిషాల సమయంలో బాలిస్టిక్‌ మిస్సైల్‌ని గుర్తించినట్లు అధికారులు తెలిపారు. నెల రోజుల్లో ఇది రెండో మిస్సైల్‌ కూల్చివేత. ఖామిస్‌ ముషైత్‌ వైపుగా దూసుకొస్తున్న మిస్సైల్‌ని గుర్తించి, క్షణాల్లో కూల్చివేయడంతో పెను ప్రమాదం తప్పిందని అధికారులు చెప్పారు. యెమెన్‌లోని హౌతీ గ్రూప్‌ ఈ తరహా దాడులు గత కొంతకాలంగా కొనసాగిస్తుండగా, ఎప్పటికప్పుడు అప్రమత్తంగా ఉండి ప్రజల్ని రక్షిస్తున్నట్లు కల్నల్‌ అల్‌ మాలికి వివరించారు.