న్యూఢిల్లీ: ఇయర్‌-ఎండ్‌ అమ్మకాల్లో భాగంగా ఆటోమోబైల్‌ దిగ్గజం టాటామోటార్స్‌ తన కస్టమర్లకు బంపర్‌ ఆఫర్‌ ప్రకటించింది. మెగా ఆఫర్‌ మ్యాక్స్‌ సెలబ్రేషన్స్‌ సేల్స్‌ ఆఫర్‌ను టాటామోటార్స్‌ లాంచ్‌ చేసింది. ఈ ఆఫర్‌లో భాగంగా టాటా కారు కొనుగోలుకు రూపాయి డౌన్‌పేమెంట్‌ కట్టి, లక్ష రూపాయల వరకు ఆదా చేసుకోవచ్చని కంపెనీ తెలిపింది. మోడల్‌, వేరియంట్‌పై ఈ ఆఫర్‌ ఆధారపడి ఉంటుందని పేర్కొంది. ఇయర్‌-ఎండ్‌ అమ్మకాల్లో కస్టమర్లను ఆకట్టుకోవడం కోసం టాటామోటార్స్‌ ఈ ఆఫర్‌ను తీసుకొచ్చింది. దిగ్గజ ఫైనార్షియర్లు, బ్యాంకులతో భాగస్వామ్యం ఏర్పరచుకున్న టాటామోటార్స్‌, ఆకర్షణీయమైన ఫైనాన్షియల్‌ స్కీమ్స్‌తో ప్యాసెంజర్‌ వాహనాలపై 100శాతం వరకు ఫండింగ్‌ అందిస్తోంది. తమ కార్లను ఎక్ఛేంజ్‌ చేసుకోవడానికి కస్టమర్లకు ఇది ఎంతో ఉన్నతమైన అవకాశమని, భారీ మొత్తంలో సేవింగ్స్‌ ప్రయోజనాన్ని కస్టమర్లు పొందవచ్చని టాటామోటార్స్‌ పేర్కొంది.