'ప్రేమించుకుందాం..రా', 'బావగారూ బాగున్నారా', 'ప్రేమంటే ఇదేరా', 'టక్కరి దొంగ', 'ఈశ్వర్‌', 'లక్ష్మీ నరసింహా', 'శంకర్‌దాదా ఎంబిబిఎస్' వంటి హిట్‌ చిత్రాలను రూపొందించిన డీసెంట్‌ డైరెక్టర్‌ జయంత్‌ సి.పరాన్జీ దర్శకత్వంలో ఇషాన్ ఎంట‌ర్‌టైన్మెంట్స్ బ్యాన‌ర్‌పై రూపొందుతోన్న ఎమోష‌న‌ల్ యాక్ష‌న్ థ్రిల్ల‌ర్ 'న‌రేంద్ర‌'. ఈ చిత్రంలో న‌రేంద్ర అనే ప‌వ‌ర్‌ఫుల్ క్యారెక్ట‌ర్ ద్వారా నిలేష్ అనే హీరోను తెలుగు తెర‌కు ప‌రిచ‌యం చేస్తున్నారు డైరెక్ట‌ర్ జ‌యంత్‌. అలాగే ల్యాక్‌మీ ఫేమ్ ఇజ‌బెల్లా ఈ చిత్రంలో హీరోయిన్‌గా ప‌రిచ‌యం అవుతుంది. జ‌న‌వ‌రి నెల‌లో హైద‌రాబాద్‌, గుజ‌రాత్‌ల‌లో నాన్ స్టాప్ షెడ్యూల్ ప్లాన్ చేస్తున్నారు. పాకిస్థాన్ నేప‌థ్యంలో ఈ చిత్రం రూపొందుతుంది. బాలీవుడ్‌లో 'రాయిస్' చిత్రానికి సంగీతం అందించిన రామ్ సంప‌త్ ఈ చిత్రానికి సంగీతం అందిస్తున్నారు. రాజ్ కె.న‌ల్లి సినిమాటోగ్ర‌ఫీ అందిస్తున్నారు. అలాగే సీనియ‌ర్ టెక్నిషియ‌న్ వెంక‌టేశ్వ‌ర‌రావు ఈ చిత్రానికి ఎడిటింగ్ చేస్తుండ‌గా, వెంక‌ట్ ఫైట్స్ కంపోజ్ చేస్తున్నారు. త్వ‌ర‌లోనే చిత్రంలో న‌టించే ఇత‌ర న‌టీన‌టులు, టెక్నిషియ‌న్స్ వివ‌రాల‌ను తెలియ‌జేస్తారు. ఈ చిత్రానికి ఫైట్స్: వెంక‌ట్‌,  నిర్మాణం: ఇషాన్ ఎంట‌ర్‌టైన్‌మెంట్స్‌, ర‌చ‌న‌, ద‌ర్శ‌క‌త్వం: జ‌యంత్ సి.ప‌రాన్జీ.