రోడ్స్‌ అండ్‌ ట్రాన్స్‌పోర్ట్‌ అథారిటీ (ఆర్‌టిఎ), కొత్త యూనిఫైడ్‌ ఫీ స్ట్రక్చర్‌ని డిసెంబర్‌ 1 నుంచి అమల్లోకి తెచ్చింది డ్రైవింగ్‌ లైసెన్స్‌, వెహికిల్‌ రిజిస్ట్రేషన్‌ మరియు టెస్టింగ్‌ కోసం ఈ యూనిఫైడ్‌ ఫీ స్ట్రక్చర్‌ని రూపొందించారు. దుబాయ్‌ రూలర్‌, యూఏఈ ప్రైమ్‌ మినిస్టర్‌, వైస్‌ ప్రెసిడెంట్‌ షేక్‌ మొహమ్మద్‌ బిన్‌ రషీద్‌ అల్‌ మక్తౌమ్‌ జారీ చేసిన ఫెడరల్‌ డిక్రీ ప్రకారం ఇది అందుబాటులోకి వచ్చింది. లైట్‌ వెహికిల్స్‌ యజమానులు 400 దిర్హామ్‌లను తొలిసారి రిజిస్ట్రేషన్‌ కోసం చెల్లించాల్సి ఉంటుంది. రెన్యువల్‌ ఫీజు 350 దిర్హామ్‌లు. గతంలో ఇది 250 దిర్హామ్‌లుగా ఉండేది. ఓనర్‌షిప్‌ ఛేంజ్‌ కోసం 350 దిర్హామ్‌లు, రీ-రిజిస్ట్రేషన్‌ కోసం 400 దిర్హామ్‌లు చెల్లించవలసి ఉంటుంది. లైట్‌ వెహికిల్‌ టెస్టింగ్‌ పీజు 150 దిర్హామ్‌లు కాగా, డ్రైవింగ్‌ లైసెన్స్‌ కోసం ట్రాఫిక్‌ ఫైల్‌ ఓపెనింగ్‌కి 200 దిర్హామ్‌లు చెల్లించాలి.