మనామా: బహ్రెయిన్‌ ఇంటర్నేషనల్‌ సర్క్యూట్‌, డిసెంబర్‌ 14 నుంచి 15 వరకు జరిగే బిఐసి నేషనల్‌ డే ఫెస్టివల్‌లో కళ్ళు చెదిరే ఫైర్‌ వర్క్స్‌తో ఆహూతుల్ని అలరించనుంది. డిసెంబర్‌ 16 మరియు 17 తేదీల్లో రాత్రి 7 గంటల సమయంలో ఈ ఫైర్‌ వర్క్స్‌ జరుగుతాయి. ఈ అద్భుతమైన అవకాశాన్ని అందిపుచ్చుకోవాలనీ, ప్రతిఒక్కరూ ఫైర్‌ వర్క్స్‌ని ఎంజాయ్‌ చేయాలని బీఐసీ ఆహ్వానిస్తోంది. సఖిర్‌ ప్రాంతంలో జరిగే ఈ ఫెస్టివల్‌కి సంబంధించి ఫైర్‌ వర్క్స్‌ని సమీప ప్రాంతాల నుంచి కూడా తిలకించవచ్చు. వరుసగా ఐదో ఏడాది బిఐసి ఈ ఫెస్టివల్‌ని నిర్వహిస్తోంది. ప్రతిసారీ ఈ ఫెస్టివల్‌కి పెద్దయెత్తున ఆదరణ లభిస్తోందని బిఐసి వర్గాలు తెలిపాయి. బిఐసి నేషనల్‌ డే ఫెస్టివల్‌లో పాల్గొనాలనుకునేవారికి రోజుకి 500 ఫిల్స్‌ ప్రవేశ రుసుముగా నిర్ణయించారు. సాయంత్రం 4 గంటలకు గేట్స్‌ తెరవబడ్తాయి. 10 గంటలకు గేట్స్‌ క్లోజ్‌ చేయబడ్తాయి. ఫైర్‌వర్క్స్‌ సంగతి పక్కన పెడితే నైట్‌ కాన్సెర్ట్స్‌ ఇక్కడ ప్రధాన ఆకర్షణ కానున్నాయి. సింగర్‌ అసలా డిసెంబర్‌ 16న తన అద్భుతమైన పెర్ఫామెన్స్‌తో సందర్శకులను అలరించనున్నారు.