రోమ్: టీమిండియా కెప్టెన్ విరాట్ కోహ్లీ, బాలీవుడ్ బ్యూటీ అనుష్క శర్మ ఓ ఇంటివారయ్యారు. అత్యంత సన్నిహితులు, స్నేహితుల సమక్షంలో ఈ ప్రేమ జంట ఒక్కటైంది. ఈ ప్రేమ ఎల్లప్పుడూ ఇలాగే ఉండాలని మేమిద్దరం ఒకరికొకరం ప్రతిజ్ఞ చేసుకున్నాం. అద్భుతమైన వార్తను మీతో పంచుకుని దీవెనలు పొందినట్లు భావిస్తున్నాం. మా ప్రేమకు మద్దతుగా నిలిచిన మా కుటుంబం, అభిమానులు, శ్రేయోభిలాషులుకు కృతజ్ఞతలు. ఈ రోజు మాకు చాలా ప్రత్యేకమైన రోజని అనుష్క శర్మ ట్విట్టర్ ద్వారా తన సంతోషాన్ని పంచుకుంది. ఇటలీలో తాస్కానిలోని ఓ రిసార్ట్స్‌లో విరుష్క జంట ఒక్కటైంది.