మనామా: 46వ నేషనల్‌ డే సందర్భంగా బహ్రెయిన్‌లో సంబరాలు మిన్నంటాయి. వివిధ దేశాలకు చెందిన ప్రముఖులు ఈ సందర్భంగా బహ్రెయిన్‌ నేషనల్‌ డే వేడుకల సందర్భంగా బహ్రెయిన్‌ నాయకత్వానికి శుభాకాంక్షలు అందజేశారు. అమెరికా అధ్యక్షుడు డోనాల్డ్‌ ట్రంప్‌ ఓ ప్రకటనలో కింగ్‌ని అభినందించారు. శుభాకాంక్షలు తెలియజేశారు. బహ్రెయిన్‌ అభివృద్ధిలో మరింత ముందుకు దూసుకెళ్ళాలనీ, ఈ క్రమంలో అమెరికా సహాయ సహకారాలు బహ్రెయిన్‌కి ఎల్లప్పుడూ ఉంటాయని ఆ ప్రకటనలో ట్రంప్‌ పేర్కొన్నారు. రష్యా అధ్యక్షుడు వ్లాదిమిర్‌ పుతిన్‌, యునైటెడ్‌ కింగ్‌డమ్‌ క్వీన్‌ ఎలిజిబెత్‌, అలాగే అరబ్‌ దేశాలు, ఇస్లామిక్‌ దేశాలు, ఇతర స్నేహపూర్వక దేశాల నుంచి బహ్రెయిన్‌కి శుభాకాంక్షలతో కూడిన సందేశాలు అందాయి. ప్రపంచ వ్యాప్తంగా బహ్రెయిన్‌ ఎంబసీస్‌లో కూడా బహ్రెయిన్‌ 46వ నేషనల్‌ డే వేడుకలు అంగరంగ వైభవంగా జరిగాయి. ఫ్రాన్స్‌ సహా పలు దేశాల్లో జరిగిన ఈ వేడుకల్లో ఆయా దేశాలకు చెందిన ప్రముఖులు పాల్గొన్నారు.