మస్కట్‌: బైట్‌ అల్‌ ఫలాజ్‌ ఫ్లై ఓవర్‌పై ట్రాఫిక్‌ని తాత్కాలికంగా నిలిపివేసినట్లు మస్కట్‌ మునిసిపాలిటీ పేర్కొంది. వాడి కబిర్‌ మరియు అల్‌ బుస్తామన్‌ మధ్య ఈ ఫ్లై ఓవర్‌ని తాత్కాలికంగా మూసివేయడం జరిగింది. డిసెంబర్‌ 17 నుంచి 28 వరకు రాత్రి 8 గంటల నుంచి ఉదయం 5 గంటల వరకు మూసివేస్తారు. మెయిన్‌టెనెన్స్‌ వర్క్‌లో భాగంగా ఈ మూసివేత నిర్ణయం తీసుకున్నారు. వాహనదారులు, ప్రత్యామ్నాయ మార్గాల్లో ప్రయాణించవలసి ఉంటుందని అధికారులు చెప్పారు. ఖుర్రమ్‌ హైట్స్‌ రోడ్‌ కూడా రాత్రి వేళల్లో మూసివేశారు. బ్రిడ్జి మెయిన్‌టెనెన్స్‌ పనుల కోసం ఈ బ్రిడ్జిని తాత్కాలికంగా మూసివేశారు.